Maria Victoria Haas

Curriculum Vitae

La mezzosopranista svizra Maria Victoria Haas ei carschida  si a Domat en siu vitg patern. Suenter la matura ella Scola cantunala a Cuera studegia ella cant ella Hochschule der Künste a Berna ella classa dad Elisabeth Glauser. Ella obtegn il diplom d’instrucziun da cant ed il diplom da concert. Naven dils 2006 tochen ils 2008 eis ella commembra dil Schweizer Opernstudio a Bienna. Impuls impurtonts sin sia via artistica survegn ella plinavon dallas cantaduras e scolastas Doris Yarick-Cross (New York), Ortrun Wenkel (Heidelberg) ed Ingrid Kremling (Hamburg). Tier ella seperfecziunescha Maria Victoria Haas regularmein.

Tier siu repertori d’opera s’audan denter auter las suandontas rollas: Cherubino en Le Nozze di Figaro, Dorabella en Così fan tutte (Biennale Bern), 2. Dama en Zauberflöte (tuttas treis operas da Mozart), plinavon Teresa en La Sonnambula da Vincenzo Bellini (Teater Bienna Solothurn), Fatima ella premaudiziun dall’opera romontscha Tredeschin da Gion Antoni Derungs (Teater dil marcau da Cuera) ed Apollonia en La Canterina da Haydn (Ope(r)n Air Waldbühne Arosa). En rollas d’operetta han ins saviu veser ed udir Maria Victoria Haas sco Eliza Doolittle en My fair Lady da Frederick Loewe (Theater GR), Barbara Delacqua en Eine Nacht in Venedig da Johann Strauss (Operettenbühne Vaduz) e sco Taxis en Les aventures du roi Pausole dil cumponist svizzer Arthur Honegger.

Era siu repertori d’oratori secumpona d’ovras da divers stils. Aschia ha ella denter auter interpretau ovras sacralas da Vivaldi, Lully, Mozart, Mendelssohn e Britten tochen tier la messa da tango da Martín Palmeri. Ils 2007 ha ella cantau il solo ella premaudiziun da Treis vias, la Cantata da pelegrins per mezzosopran, chor viril e sufladers d’instruments da lenn dad Alvin Muoth. 

Maria Victoria Haas tgira era il cant da Lied. In accent metta ella sin canzuns spagnolas (García Lorca, Guridi e Turina) e sin canzuns da Gustav Mahler e Richard Strauss. In bien temps eis ella sefatschentada cun chansons franzosas. Diversas gadas eis ella stada solista el festival da musica MENHIR a Falera. Il december 2010 sepresenta ella cugl Ensemble deCanto a Surrein, Scuol, Vella, Breil e Domat cun in program da Nadal, quei a caschun dils emprems concerts digl ensemble insumma. 

Maria Victoria Haas ha obteniu 2003 il Prix jeunesse dil Fonds da cultura Eliette von Karajan ed il premi da promoziun 2006 dil Cantun Grischun.

 

pdf download

Carriera artistica scena

  • November 2013 … Feglia
    en … Il Gioder … da … Giachen Caspar Muoth
    Reschia … René Schnoz
    Clavazin … Eric Christen
    Violina … Laura Zangger
    producziun … Dis da litteratura, Domat
  • December 2012 … Mercedes Sosa
    en Begegnungen
    RESCHIA … Noëlle Kuhn
    PRODUCZIUN …   tanztheaterpasión ella Klibühni, das Theater, Cuera
  • Uost 2011 … Königin der Alben
    enDunggli Wolgga ob Salaz … da … Josef Hug
    Musica … Christian Albrecht
    Reschia … Marco Gieriet
    Direcziun musicala … Christian Albrecht
    Producziun … Freilichtspiele Untervaz
  • Matg 2011 … Zefka
    en … Tagebuch eines Verschollenen … da … Leoš Janáček
    Reschia … Andreas Rosar
    Direcziun musicala … Kremena Dimitrova
    Producziun … Theater Biel Solothurn … en  cooperaziun cul … Théâtre Carré Noir … e la … Leoš-Janáček-Gesellschaft
  • Schaner/Fevrer 2011 … Barbara Delacqua
    en … Eine Nacht in Venedig … da … Johann Strauss
    Reschia … Kurt Sternik
    Direcziun musicala … William Maxfield
    Orchester … Operettenbühne Vaduz
    Producziun … Operettenbühne Vaduz
  • Uost 2010 … Cherubino
    en … Die Hochzeit des Figaro … da … Wolfgang Amadeus Mozart (per tudestg)
    Reschia … Barbara Klimo
    Direcziun musicala … Prof. Günther Simonott
    orchester … Sinfonietta Vorarlberg
    Producziun … Schlossfestspiele Werdenberg
  • Uost/Settember/October 2009 … Eliza Doolittle
    en … My fair Lady … da … Frederick Loewe
    Reschia … Marco Gieriet
    Direcziun musicala … Christian Albrecht
    Producziun … Theater GR
    Representaziuns els cantuns Grischun e Sogn Gagl
  • Settember 2008 … Dorabella
    en … Così fan tutte … da … Wolfgang Amadeus Mozart
    Reschia … Jörg Behr
    Direcziun musicala … Georg Pammer
    Producziun … Schweizer Opernstudio Biel … el rom dalla … BIENNALE BERN 2008
  • Mars–Zercladur 2008 … Teresa
    en … La Sonnambula … da … Vincenzo Bellini
    Reschia … Anna-Sophie Mahler
    Direcziun musicala … Franco Trinca
    Producziun … Theater Biel Solothurn
  • Fenadur/Uost 2007 … Madame Krone
    en … Der Schauspieldirektor … da … Wolfgang Amadeus Mozart … versiun revedida dad … Andreas Kröper
    Reschia … Andreas Kröper
    Direcziun musicala … Andreas Kröper
    Ensemble dalla … Alpenoper Arosa
    Producziun … Ope(r)n Air Waldbühne Arosa
  • Zercladur 2007 … 2. Dama
    en … Die Zauberflöte … da … Wolfgang Amadeus Mozart
    Reschia … Mathias Behrends
    Direcziun musicala … Andreas Reize
    Solists cun instruments da flad dil cantus firmus consort
    Producziun … Schweizer Opernstudio Biel
    Representaziuns el teater dil marcau da Bienna
  • December 2006 … Taxis
    en … Les aventures du roi Pausole … dad … Arthur Honegger
    Reschia … Franz Weber
    Direcziun musicala … Annette Saunders
    clavazin … Annette Saunders
    Producziun … Schweizer Opernstudio Biel
  • Fenadur/Uost 2006 … Apollonia
    Represa da … La Canterina … da … Joseph Haydn
    Producziun … Ope(r)n Air Waldbühne Arosa
  • Fenadur/Uost 2005 … Apollonia
    en … La Canterina … da … Joseph Haydn
    Reschia … Andreas Kröper
    Direcziun musicala … Andreas Kröper
    Ensemble dalla … Alpenoper Arosa
    Producziun … Ope(r)n Air Waldbühne Arosa
  • Settember/October 2004 … Fatima
    en … Tredeschin … da … Gion Antoni Derungs
    Reschia … Michela Gösken
    Direcziun musicala … Mario Schwarz
    orchester … Südwestdeutsche Philharmonie Konstanz
    Premaudiziun e diversas representaziuns el teater dil marcau da Cuera
  • Mars 2003 … Nancy
    en … Martha … da … Friedrich von Flotow
    Reschia … Regina Heer
    Direcziun musicala … Paul Suits
    clavazin … Paul Suits
    Representaziun ella Stiftung Elfenaupark, Berna